Como aforrar no recibo da luz?

Este sábado ás 17:00 no Restaurante O´Castelo en Muros charla sobre como aforrar no recibo da luz.

Ante as continuas subidas no prezo da luz que dana as economías da maioría de consumidoras e consumidores resulta necesario buscar fórmulas de abaratar o recibo. Por iso CxG está promovendo unha campaña para entender esta factura e así poder aforrar neste eido.

No acto realizaremos un desglose dos diferentes conceptos que forman unha factura eléctrica así como tamén abordaremos diversas pautas para aforrar en consumo enerxético. Contaremos con Serxio Sendón, asesor enerxético que tratará de responder ás dúbidas que se prantexen sobre os casos particulares.

No acto tamén intervirán a portavoz municipal de Compromiso por Galicia; María Xosé Alfonso e o Secretario Xeral de CxG; Xoán Bascuas.

Este domingo continúamos coa compaña a favor do comercio local.

Este domingo continuaremos na comarca coa campaña " Este Nadal comprométete co comercio local, merca no teu concello"

Realizaremos un reparto de carteles polos diferentes comercios de Noia co obxetivo de incentivar a compra no comercio local durante este nadal.

Ao reparto asistirá: Xoás Bascuas (Secretario Xeral de CxG), María Xosé Alfonso (Coordinadora da Coruña) e o coordinador comarcal Manolo Seijas.

Antón Ageitos " En tres días non se pode valorar o orzamento dun concello"

CxG de Lousame abandonou a sesión plenaria do pasado xoves a modo de protesta pola escasa antelación na que se lle foron entregados os orzamentos.

O edil de Compromiso Por Galicia de Lousame, Antón Ageitos amparado pola agrupación de galeguista, decidiu abandonar a sesión plenaria do pasado xoves a modo de protesta, alegando falta de tempo para o estudo dos orzamentos do Concello.

Compromiso Por Galicia recibiu a información o luns con tan só tres días hábiles para o estudo dos orzamentos do Concello de Lousame para o vindeiro ano 2014, que se na praxe se tería que ter debatido o xoves 19.

Os presupostos son para Compromiso Por Galicia o documento que guiará a xestión municipal ao longo dun ano, polo que recoñecen que en tres días é humanamente imposible analizar con detenimento un orzamento.

Antón Ageitos recoñeceu que “ Decidimos levantarnos do pleno por coherencia e por responsabilidade, non podemos debater un documento sen ter feito unha valoración en profundidade do contido destes orzamentos” Ademais o edil asegurou que “ xa non é a primeira vez que instamos a alcaldesa a enviar a documentación en tempo e forma, pero pouco a pouco íamos sendo capaces de analizar a documentación”

Dende CxG instaron ao Concello a que realice unha planificación e que facilite a documentación con antelación suficiente como mínimo de sete días para que se poidan realizar apartacións de calidade nas sesión plenarias.

Link da nova: http://www.radioobradoiro.com/portada/ro/lousame-aproba-orzamentos-2014-ascenden-2-7-millons/idEdicion-2013-12-20/idNoticia-843570/

CxG critica unha inversión de 40.000€ para arranxar un vial en Lousame que só da servizo a dúas vivenda, unha delas a da propia alcaldesa.

CxG critica unha inversión de 40.000€ para arranxar un vial en Lousame que só da servizo a dúas vivenda, unha delas a da propia alcaldesa.

En épocas de crise hai que priorizar os gastos, baixo este lema a alcaldesa de Lousame pretende gastar 39.596€ en arranxar un camiño de servidume que da servizo a dous veciños da parroquia de Merelle.

Curiosamente unha desas dúas vivendas é a residencia da propia alcaldesa. CxG non se opón ao arranxo dos viais de Lousame, pero estima que hai accesos que dan servizo a un maior número de veciños que a alcaldesa non contempla acondicionar, por exemplo o camiño das Minas de Sanfinx ou o estrada de Gandárela.

Teresa Villaverde intentou nun primeiro momento incluír este camiño no Plan de Obras e Servizos, pero ante as criticas do concelleiro de Compromiso Por Galicia, Antón Ageitos declinou facelo.

Logo de que a agrupación galeguista fixese un estudo do orzamentos para o ano 2014 ve como a alcaldesa volve a presentar este arranxo agochado tras un adecentamento no lugar de Aldaris.

Compromiso Por Galicia ademais considera abusivo o gasto corrente, que xunto ao gasto de persoas aproxímanse ao 55% do gasto total.

Este nadal comprométete co comercio local

Compromiso Por Galicia presentou hoxe a campaña " Este nadal comprométete co comercio local", que ten como obxectivo promocionar o comercio local da comarca de Muros-Noia na época de nadal.

O coordinador comarcal Manolo Seijas, animou a todos os veciños e veciñas a que fagan as súas compras do nadal nos comercios locais, xa que se trata dunha inversión nos propios concellos. Recordou que son eles quen fan o esforzo de soster económicamente moitos proxectos, como clubes deportivos, asociacións, actos culturais..  e que polo tanto cómpre realizar as compras de nadal no prqueno comercio da vila.

A promoción consta dun cartel que se difundirá polas redes sociais e dun reparto de impresos pola veciñanza.

Medio centenar de persoas asinaron este sábado en Noia para que todo relativo ao seu pasamento sexa integramente en lingua galega.

Medio centenar de persoas asinaron este sábado en Noia para que todo relativo ao seu pasamento sexa integramente en lingua galega.

CxG celebrou o pasado sábado no claustro do Concello de Noia un acto co obxectivo de promocionar a lingua galega nos actos fúnebres, nel interviron María Xosé Alfonso, Xoaquín Monteagudo e Xoán Bascuas.

No acto, Compromiso defendeu a necesidade de que se recorde aos galegos e galegas na lingua na que viviron, en galego. Segundo Xoan Bascuas é a “súa seña de identidade”.

María Xosé Alfonso indicou que Compromiso Por Galicia estase poñendo en contacto con distintas empresas funerarias do país para que estimen a posibilidade de ofrecer os seus servizos e en galego.

Xoaquín Monteagudo explicou a labor que están a desenvolver dende a Asociación de Funcionarios pola Normalización Lingüística, e apostou por seguir medrando en galego como sociedade. Ademais trasladou os distintos avances que se están a levar a cabo baixo o lema “Galeguizar Galicia” e resaltou o éxito que os produtos etiquetados en galego están a ter a nivel mundial. Indicou que se debe ter un compromiso real coa lingua galega para que esta permaneza na memoria lingüística do país.

Ao finalizar o acto medio cento de persoas asinaron unha acta de vontades para que chegado o seu pasamento todo o relativo ao funeral e enterro se realice exclusivamente en Galego.

En Galego, agora e sempre.

Acto para a Recuperación da Memoria Lingüística.

Compromiso Por Galicia levará a cabo un acto este sábado ás 12:30 no

Claustro do Concello de Noia baixo o lema “En Galego, agora e sempre”.

O obxectivo do acto segundo Manolo Seijas “é promocionar o signo máis preclaro da nosa identidade, a lingua galega que debe estar viva onde mora a memoria colectiva,  e os ceminterios son espazos de memoria”

No acto explicarán a necesidade de  que o galego sexa fomentado en todos actos fúnebres, xa que é un xeito máis de que permaneza na historia.

Intervirán neste acto: María Xosé Alfonso; Coordinadora provincial de CxG na Coruña, Xaquín Monteagudo, presidente da Asociación de Funcionarios pola Normalización Língüsitica e Xoán Bascuas Secretario Xeral de CxG.

Ao remate do acto os asistentes poderán asinar A Acta de Vontades, pola cal deixarán constancia que chegada a hora do meu pasamento, todo o relativo ao funeral e enterro se realice exclusivamente en lingua galega.

Antes do acto a Executiva Nacional de Compromiso Por Galicia reúnirase no Concello de Noia.

CxG aplaude a decisión de que o Concello de Noia estudará asumir o copago farmacéutico

Compromiso Por Galicia aplaude a decisión do alcalde de Noia de estudar a posibilidade de afrontar o 10% do pago farmáceutico.

Manolo Seijas aproveitou a rolda de rogos e preguntas para solicitar ao equipo de goberno local que asuma o copago do 10% dos medicamentos para o tratamento de enfermidades crónicas e de cancro.

Seijas asegurou que se trata dunha irresponsabilidade da Xunta de Galicia, pero que as administracións entre elas, os concellos, deben garantir unha sanidade publica e de calidade. Seijas criticou ao grupo de goberno por non ter inclúido na orde do día unha moción de tal calado que afecta a veciños e veciñas de Noia.

O rexidor explicou que estudarán a posibilidade de asumir ese copago farmáceutico e que buscarán, como en moitos concellos de Galicia a posibilidade de legal de crear unha partida económica para esta cuestión, 

O portavoz de CxG preguntou a todos os grupos políticos que opinión lle merecia que os concellos subsanaran esta irresponsabilidade da Xunta de Galicia. Só o BNG constestou a esta cuestión afirmando que esa cuestión non era de índole local e que se tiña que realizar ao executivo de Nuñez Feijoo.

Dende CxG mostraron certo asombro ante esta contestación, xa que o segundo acordo da moción era instar a Xunta de Galicia a que asumise o copago farmáceutico e que a proposta dos galeguistas é para que os concellos creen un fondo económico de emerxencia.

Por un aplazamento da Festa do Marisco en Outes ata que se reactive a campaña marisqueira

Compromiso Por Galicia solicita cando menos un aprazamento da Festa do Marisco de Outes ate que se reactive a campaña marisqueira.

Xosé Ramón Riomao e Xosé Manuel Ramos presentaron esta mañá no rexistro do Concello de Outes un escrito solicitando o aprazamento da Festa do Marisco ate que a toxina, que ten en vela a  1.800 persoas, desapareza por completo e se reactive a campaña marisqueira na Ría de Muros e Noia

Os concelleiros de CxG non entenden a falta de sensibilidade do rexedor outiense ao levar a cabo a festa do marisco este domingo. Consideran que “non é momento de festexar absolutamente nada” e que “ temos 1.800 familias que levan 15 días  a espera que se volva a mariscar e ganarse un soldo”.

Xosé Ramón Riomao incidiu en que o obxectivo desta festa debe ser a exaltación do marisco da nosa Ría, é que non ten sentido que se leve a cabo este festexo se todos os polígonos galegos están cerrados.

CxG propón un aprazamento para que a materia prima que se ofrece aos visitantes sexa propia da nosa Ría, e polo tanto que se adquira na lonxa do Freixo o que repercutiría no sector marisqueiro.

Tamén solicitaron que se cambie o enfoque da festa, creando unhas xornadas nas que  se den a coñecer as tarefas do mundo do marisqueo, nas que se fagan partícipes do evento os restauradores de Outes, as Confrarias de Pescadores de Noia e de Muros, e a calquer outra persoa ou entidade que contribúa a posta en valor dos productos da nosa ría e da actividade mariscadora.

Ademais insisten en que o marisco non pode vir de fóra xa que hai que dar a coñecer e por en valor o noso marisco, e para elo é imprescindible mercalo nas lonxas da Ría de Muros e Noia  e non nas de outros concellos de Galicia ou do MUNDO.

Aproveitaron esta visita ao Concello de Outes para rexistrar a moción de copagamento dos tratamentos para enfermos crónicos e de cancro, co fin de que o Concello de Outes asuma ese 10% do custe total.

Compromiso Por Galicia solicitará que os Concellos asuman o copago farmacéutico en efermidades crónicas e de tratamento do cancro

Compromiso Por Galicia pedirá que os Concellos asuman o copago farmacéutico en enfermidades crónicas e de tratamento do cancro.

Manolo Seijas ven de informar que Compromiso Por Galicia presentará ao longo desta semana nos concellos de Muros, Outes, Noia e Lousame unha moción para que sexan os Concellos os que asuman a responsabilidade de garantir que ningún enfermo crónico ou de cancro teña que asumir o 10% do seu tratamentos.

Seijas asegurou que non é unha medida que lle deba corresponder aos Concellos, mais apunta que “ hai que solucionar este problema de irresponsabilidade da Xunta de Galicia a instancia do executivo de Mariano Rajoy”

Dende Compromiso Por Galicia pedirán que se dote dunha partida económica de emerxencia para que se asuman os custes dos tratamentos de enfermidades crónicas e de cancro. Seijas asegura tamén que non é unha cuestión ideolóxica senón de sensibilidade, xa que sempre lle toca aos máis débiles pagar os efectos da crise.

Ademais instou aos alcaldes a reflexionar sobre a situación e que se poñan na pel dun enfermo con baixa médica, que pensen na prestación económica da que dispoñen, nos seus gastos mensuais e que agora se encontren con que teñen que pagar un 10% do seu tratamento.

Seijas convidou a todos os rexedores a que debatan no pleno e se sumen a esta iniciativa, e asegurou que se a algún alcalde ou alcaldesa se lle ocorre pasar por alto esta proposta estará dándolle a espalda aos seus veciños e veciñas que sofren este tipo de enfermidades, se pensan que non é precisa esta dotación de urxencia é que viven moi lonxe da realidade social.

A moción recolle un segundo acordo para que a Xunta de Galicia se sume ao resto de comunidades autónomas (Asturias, Aragón, Comunidade Valenciana e Extremadura uníronse ao País Vasco, Castela-León, Canarias e Andalucía) que dixeron non a este copago farmacéutico.

esixe responsabilidades a Xunta de Galicia por non ter realizado un control da calidade das augas na Ría de Muros e Noia antes do inicio da campaña marisqueira

Compromiso Por Galicia esixe responsabilidades a Xunta de Galicia por non ter realizado un control da calidade das augas na Ría de Muros e Noia antes do inicio da campaña marisqueira

Manolo Seijas asegurou, logo de ter feito unha análise en profundidade dos recentes acontecementos que “A Xunta de Galicia é a única responsable desta situación xa que o Intecmar debería ter realizado un control das augas mariñas antes de abrir a campaña marisqueira e logo realizar un control diario”

CxG esixe responsabilidades a Xunta de Galicia xa que ten o deber de asumir os custes desta mala xestión do Intecmar . Segundo o Patrón Maior nunha entrevista radiofónica estima entre 200.000 e 300.000 euros.
Compromiso tamén anima as diferentes Cofradías de Pescadores a que se sume a pedirlle responsabilidades ao executivo de Nuñez Feijoo polo nefasta xestión da na análise da calidade das augas e a falta de axilidade nas publicacións das prohibicións de extracción dos moluscos afectados.

A agrupación galeguista sostén que a Xunta de Galicia debe exercer un control exahustivo das augas das nosas rías para poder ofrecer un producto óptimo para o consumo.

Manolo Seijas asegurou ademais“ trátase dun verdadeiro batacazo para a economía da nosa comarca xa que arredor de 2000 familias vivos da extracción de molusco, tanto berberecho como mexillón e esta situación de paro afectará indirectamente a moitas outras familias. Polo que dende Compromiso Por Galicia esperamos que esta marea vermella non perdure no tempo”

solicita que se alegue indirectamente contra a ponencia de valores catastrais en Muros

Compromiso Por Galicia solicita que se alegue indirectamente contra a ponencia de valores catastrais en Muros

Membros de Compromiso na localidade de Muros están a recoller sinaturas para solicitarlle ao pleno de Muros que adopte un acordo no vindeiro pleno municipal: Que o Concello de Muros alegue contra a ponencia de valores catastrais, que consideran que non se adaptan as necesidades deste concello.

Solicitan que as revisións deben facerse de acordo a valoración unitaria dos inmobles, á súa calidade homoxénea, a antigüidade, ao aumento inxustificado dos valores xa que non corresponde cun mercado que se encontra en continúo descenso según recolle o INE en torno a un 25%.

María Xosé Alfonso afirma que xa hai varios exemplos neste sentido, como son as do Tribunal de Xustiza de Andalucía do 03. 03 do 2003 entre outras.

 

Charla sobre o IBI e Contribución en Esteiro

Compromiso por Galicia organiza unha segunda charla informativa no Concello de Muros para tratar os problema do IBI e do Catastro. Logo do éxito da primeira edición en Muros, agora o turno será para a parroquia de Esteira o próximo venres ás 21:30h no Baixo do Bar Alameda. No acto intervirán, María Xosé Alfonso e Xosé Ramón Riomao.

COMPROMISO POR GALICIA DENUNCIA, DE NOVO, A NULA VIABILIDADE DO CENTRO DE DÍA DE LOUSAME

COMPROMISO POR GALICIA DENUNCIA, DE NOVO, A NULA VIABILIDADE DO CENTRO DE DÍA E O PASOTISMO DOS DISTINTOS ALCALDES POPULARES, TAMÉN A DE LOUSAME, ANTE AS DETESTABLES DECLARACIÓNS DO ALCALDE DE BARALLA

Logo do pleno celebrado a pasada semana , una vez máis, o concelleiro de CxG de Lousame veuse na obriga de preguntar á Sra. Alcaldesa do Concello de Lousame por un decreto relacionado coa  electricidade do Centro de Día. Nese decreto destinábanse 2.099 euros para a instalación
dunha rede trifásica na cociña, algo que xa debería estar  proxectado. É esta unha
mostra máis das moitas incertidumes que rodean ao centro de día lousamiano.

Ageitos solicitou en varias ocasións o estudo de viabilidade e NUNCA obtivo resposta.
Ademais, cómpre non esquecer que na actualidades só conta con cinco maiores, o que
representa a nula efectividade deste servizo no Concello de Lousame, tratándose pois dun malgasto de diñeiro público no seu mantemento, xa que os ingresos son insuficientes (tanto que polo de
agora é un servizo de catering o que se encarga do suministro de comidas).


Por outra parte, solicitamos a limpeza de varios lavadoiros, fontes e parques públicos espallados ao redor do Concello así como o arranxo de varias estradas como a que  conecta coa canteira situada en Tállara e a carretera de Silvarredonda a Ces..

Respecto á moción que a petición da Comisión pola Recuperación da Memoria Histórica do Barbanza que presentamos, en conxunto, debido as  declaracións do alcalde de Baralla, en tempo e forma para poder ser debatida neste pleno, a Sra. Alcaldesa decideu non metela na orde do día por considerala “algo non urxente”. É, como en outros tantos concellos, unha mostra de encubrimento dunha persoa e no
dunhas palabras absolutamente detestables e motivo de dimisión.

Por un PXOM transparente

Dende Compromiso por Galicia Muros-Noia vimos de presentar unha petición a Concellería de Urbanismo co fin de aumentar a transparencia no PXOM. Os puntos que presentamos son os seguintes:

1. Ampliación do período de alegacións ate o mes de novembro, xa  que o actual período de alegacións produciuse ao mesmo tempo  que as vacacións do verán.

2. Levar a cabo unha serie de charlas polas distintas parroquias do  Concello, co fin de explicar polo miúdo como e cando se vai  impulsar o desenvolvemento das áreas de compensación.

3. Envio de información aos domicilios no que se dé conta dos prazos  previstos para as alegacións e da posta en marcha deste proxecto.

4. Explicar abertamente a veciñanza os custos que acarrean os  proceso de urbanización.

5. Axilizar a resolución das alegacións, que non permanezan no  esquecemento.

Dende CxG queremos un PXOM transparente e consideramos que é preciso que o Concello informe correctamente aos veciños sobre a aplicación do mesmo.

Charla sobre a contribución en Muros

Este venres ás 20:30 no Restaurante “O Castelo” en Muros, Compromiso Por Galicia organiza unha charla informativa para tratar os seguintes temas:

1. Análise da subida do IBI (Contribución) en Muros no vindeiro ano.
2. Orientación sobre a solución dos problemas do catastro na localidade muradana.

María Xosé Alfonso, responsable muradana de Compromiso por Galicia, roga a maior asistencia pois considera que se trata dun tema de relevancia para os veciños do concello.

Un pacto contra o lume

Compromiso por Galicia presentou hoxe en rolda de prensa o ofrecemento ao resto das forzas do espectro galego a facer un gran pacto contra os lumes forestais e para poñer en valor o monte galego nun prazo fóra de desputas electorais, a 20 anos vista.

CxG non ten ningunha dúbida de que a culpa haxa incendios é de quen lle prende lume ao monte, pero a responsabilidade de estes incendios arrasen cada ano miles de hectáreas é de quen goberna, neste caso do PP. A pesar de ter consumido miles de millóns de euros, levamos máis de 20 anos de continuos fracasos na loita contra o lume, fracasos derivados dunha mala política forestal cunha ausencia de labores de prevención e de iniciativas que poñan en valor o noso monte e o conxunto do medio rural. E a isto aínda hai que engadir a prevalencia dos intereses partidistas por enriba dos intereses do noso monte e do noso país. Xa está ben de que cada goberno se dedique a desfacer o que fixo o anterior por que si, ou de que pasen cousas como a ausencia dos edís do PP a un pleno convocado para solicitarlle á Xunta a declaración de zona catastrófica ao Monte Pindo e que active o fondo de emerxencias para evitar riadas despois do asolador incendio que este sufriu.

Pero en Compromiso por Galicia non nos limitamos a criticar o que fai mal o PP, queremos aportar solucións a esta situación que ademáis de destruir o noso País dá unha pésima imaxe exterior de Galicia. E é evidente que para solucionar isto non chega con incrementar as medidas represivas para os que prenden lume, como propón Feijóo, medidas ás que CxG non se opón pero que son insuficientes. E son insuficientes non porque o diga CxG, senón porque dos miles de incendios que cada ano asolan Galicia sóbrannos os dedos dunha man para contar ás persoas que acaban sendo condenadas en firme. Para Compromiso por Galicia o que se precisa para rematar con esta situación é un gran pacto para pór en valor o monte e loitar contra o lume, un pacto no que deben estar ademáis das forzas políticas do noso país outras organizacións como comunidades de montes, profesionais do sector forestal, asociacións de cazadores, organizacións agrarias, grupos ecoloxistas,, etc…..

E para que este gran pacto sexa de obrigado cumprimento independentemente de quen goberne, CxG propón que acabe nunha Lei aprobada no Parlamento Galego por consenso, e que nel se recollan medidas de calado como:

• A restructuración do terreo forestal, facilitando así a rendibilidade coa redución do número de parcelas;

• A ordenación do territorio en función do tipo de actividade (produción de madeira, pastoreo, apicultura,….);

• A modificación do enfoque das inversións e dos traballos do operativo de loita contra o lume, desestacionalizando as súas labores e implementando medidas que fagan posible nun futuro inmediato adicar máis inversión e esforzos á prevención e á vixiancia e menos á extinción.

• Profesionalizar o operativo que debe ser público, cun número estable de efectivos ao longo do ano e cun mando único para evitar descoordinación.

• Apoiar a posta en marcha de proxectos singulares que poñan en valor o monte e de medidas que permitan que se poidan pór en produción as terras agrarias abandonadas.

CxG faralle chegar a tódolos actores implicados esta proposta de gran PACTO GALEGO PARA PÓR EN VALOR O MONTE E LOITAR CONTRA OS LUMES, quedando á espera de que sexamos capaces de pór os intereses de Galicia por diante dos partidistas, e que polo ben do noso País, e para evitar a súa autodestrucción, sexamos capaces de sentarnos a unha mesa e acordar as medidas a pór en marcha nos vindeiros 20 anos para acabar con esta grave situación

Carta a Samuel Jesús Juárez Casado " Que se abra unha oficina en Santiago de atención ás víctimas do Alvia"

Para:
D. Samuel Jesús Juárez Casado, Delegado do goberno de España en Galicia 

Que se abra unha oficina en Santiago de atención ás víctimas do Alvia 

Atentamente,
[Tu nombre]

Asina

https://www.change.org/es/peticiones/delegaci%C3%B3n-do-goberno-de-espa%C3%B1a-en-galicia-que-se-abra-unha-oficina-en-santiago-de-atenci%C3%B3n-%C3%A1s-v%C3%ADctimas-do-alvia

Denuncia as irregularidades no proceso de selección do GES en Muros

Xa están traballando os doce membros do GES de Muros. Dúas desas doce persoas proceden directamente da brigada de obras do concello de Muros e as outras dez foron seleccionadas polo concello a través dun proceso de selección que está xenerando varias reclamacións e moitas dúbidas e malestar.

 Dúbidas alimentadas pola propia alcaldesa de Muros ao negarse a permitirlle a María Xosé Alfonso, coordinadora territorial de Compromiso por Galicia e concelleira en Muros, ter acceso ao expediente e documentación deste proceso, tal e como solicitou por escrito en dúas ocasións a concelleira.

Compromiso por Galicia sospeita que foron seleccionadas persoas que non cumprían os requisitos, concretamente que non posuían o carnet C antes do 26 de xuño tal e como esixían as bases do proceso. Algo que é, ademáis de irregular, inxusto con todas aquelas persoas que non se presentaron por non ter ese permiso de condución.

A isto hai que engadir que na elaboración do listado definitivo de persoas a contratar e , posteriormente contratadas, non se tiveron en conta as reclamacións feitas por varias persoas aspirantes, e resoltas por resolución asinada pola propia alcaldesa na que se lles recoñece que foron mal puntuados os seus méritos.

 Pero aínda hai máis, Compromiso por Galicia recibiu tamén outras queixas como que aos aspirantes non se lles pediu DNI nin acreditación cando foron facer as probas, ou que algúns certificados de servicios prestados como voluntarios de protección civil non foron admitidos pola comisión de selección pero outros similares si, ou que algunhas probas están mal corrixidas, etc…..

 Ante todo isto, Compromiso por Galicia reclama transparencia neste proceso . Neste sentido, María Xosé Alfonso asegura que se ten acceso ao expediente e non atopa ningunha irregularidade será a primeira en comunicar publicamente, e especialmente a todas aquelas persoas que se achegaron a CxG a trasladar queixas, que todo foi limpo e legal.

 De non ser así, a formación galeguista non descarta tomar accións legais, pois a alcaldesa podería ter cometido un delito de prevaricación ao contratar a estas persoas sabendo que non cumprían os requisitos ou que non eran as de maior puntuación.

Dende Compromiso indican que seguirán a loitar pola igualdade entre todos os cidadáns e non toleran a existencia de preferencias no acceso ao emprego público.

O 25 TOD@S A BONAVAL

Dende Compromiso Por Galicia Muros-Noia queremos convirdarte a xornada lúdico-política que celebraremos o vindeiro 25 de xullo con motivo do Día da Patria, dende a nosa comarca asistiremos unha delegación de preto de medio cento de persoas se queres participar, anótate no noso correo comarcal, compromisomurosnoia@gmail.com ou se o prefires através dos Secretarios Locais da túa localidade.


Queda aquí a programación do evento:


9:30 Apertura recinto.

10:00 Música ambiental no escenario

11:00 á 13:00 Apertura da zona infantil con Inchables. Animación de

Xogos varios ( globoflexia, maquillaxe, xogos con paracaídas, con pelota…) 12:00 Acto no Panteón de Galegos Ilustres. (ofrenda floral)

13:00 Acto político.

Saúda as Delegacións Convidadas.

Intervencións.

Himno Galego.

14:30 Xantar. ( para anotarse ao xantar podedes facelo através dos Secretarios Locais ou ben en info@compromisoxgalicia.org

14:30 a 19:00 Actividades zona infantil con monitores de apoio.

Xogos tradicionais (chave, rá, pelouro, sacos, cordas saltar, cordas turrar…)

17:30 Música de taberna na carpa 18:30 á 23:00 Concerto e actuacións.

Os Perucos (folk)

Evaristo Calvo (monólogo)

Narf (cantautor)

+INFO en compromisoxgalicia.org

+ DEMOCRACIA + TRANSPARENCIA + PARTICIPACIÓN

Dende Compromiso Por Galicia o temos claro: non utilicemos a crise para reducir en democracia. Fagamos un cambio estructural na lei electoral, si se pode e aquí explicamos como:

PROPOSTAS CxG

NON A SUBA DO IBI EN MUROS, POR UNHA MELLORA NA XESTIÓN DO CONCELLO.

              Na sesión plenaria celebrada en Muros o pasado xoves 27 de xuño o grupo do Psoe, tendo que facer uso do voto de calidade da alcaldesa, aprobou o incremento do IBI tanto dos bens de natureza urbana como rústica. Deste xeito o IBI de natureza urbana pasa do 0'40 % ao 0'60 % e o de natureza rústica pasa do 0'30 % ao 0'60%.

             Dende Compromiso por Galicia votamos en contra desta proposta porque a alcaldesa Caridad González intenta enganarnos a todos dicindo que isto é necesario para dar cumprimento ao plan de axuste e ademais porque non estamos dispostos a que a   a cidadanía de Muros, pague máis impostos neste duro momento de crise.

       Dende CxG non consentimos que se compense a suba do IBI coa pésima xestión e o malgasto de cartos públicos que o goberno municipal está levando a cabo.

             O plan de axuste aprobouse incrementar o IBI según o RD 20/2012 , o que significaba que se subiría a contribución só dos bens de natureza urbana e só durante os anos 2012 e 2013, non para todos os bens e para sempre como acaba de facer a alcaldesa. 

                 A portavoz municipal María Xosé Alfonso comentou que "non estamos dacordo en subirlles os impostos ás familias muradás neste momento no que moitas delas están chegando a situacións económicas moi difíciles por efecto da crise, mentres o goberno municipal coa súa pésima xestión está perdendo importantes subvencións como os 150.000 € que o Ministerio de Industria concedera para a creación dun viveiro de empresas e mentras se están malgastando cartos en asesores, comidas de urbanismo, publicidade institucional, viaxes inútiles de membros do equipo de goberno, contratacións innecesarias e ilegais a dedo e un cento de cousas máis"

Compromiso Por Galicia presentará en Outes unha moción na que instará a toda cooperación municipal a posicionarse en contra da lei que permite a quita aos preferentistas.

Xosé Ramón Riomao e Xosé Manuel Ramos presentaron a moción que se debaterá  o vindeiro pleno que se celebrará o mañá xoves día 27 ás 21:00 pola cal instan a corporación de Outes a posicionarse en contra do   “Real Decreto-lei 9/2012, de 16 de marzo que legaliza as quitas aos afectados por participacións preferentes e subordinadas. Xa que consideran que os aforradores non son inversores e polo tanto deben recuperar todo o diñeiro que depositaron enganados tanto en preferentes como en subordinadas.

Esta moción consta ademais dun segundo punto, no cal instarán ao goberno municipal a que inicie os procedementos necesarios para solicitarlle a Xunta de Galicia que axilice as arbitraxes, xa que segundo Xosé Ramón Riomao é o método tanto máis eficiente como máis barato para solucionar este problema, xa que garantiza a gratuidade do proceso.

Dende Compromiso piden a todos os concelleiros e concelleiras que independentemente da súa cor política mostren o seu apoio as ducias outienses que foron estafadas e non recuperarán o seu capital de forma integra.

Compromiso admite que a solución non a vai tomar o Pleno de Outes, pero queren que a O Goberno de Madrid se entere de que ese non é o camiño, e que os veciños vexan na corporación de Outes un cómplice nas súas reivindicacións.

Compromiso por Galicia solicita unha xuntanza con todos os partidos políticos que gozan de certa actividade no concello de Noia para tentar atallar o problema do aparcamento.

Os galeguistas puxéronse en contacto con todas as agrupacións locais dos partidos políticos con representación na corporación municipal para coñecer de primeira man a opinión que lle merece a cada un deles a construción do aparcadoiro que se está a levar a cabo na Rúa Xuíz Falcone.

Ademais aproveitarán a ocasión para trasladar as súas propostas con respecto ao aparcamento e a regulación viaria do tráfico. Tamén comentarán temas de índole local que vaian saíndo ao longo das conversas.

Pediranlle todo tipo de información aos grupos de goberno con respecto ao aparcadoiro que xa se está construíndo e instarán ao Partido Popular a que fagan unha oposición responsable.
Manolo Seijas confía en que todos os partidos políticos acepten a xuntanza xa que é o diálogo é a ferramenta máis útil para facer política, tamén nas localidades.

Seijas confía en que os partidos convocados ( PP, PSOE, BNG, NO.I.A e ANOVA) teñan a ben recibir unha delegación de tres membros de Compromiso Por Galicia ou acordar unha data e un lugar para a celebración da reunión.

http://www.27tv.es/compromiso-por-galicia-solicita-una-junta-con-todos-los-partidos-politicos-video_7a170047d.html

Compromiso Por Galicia segue o seu camiño en Noia.

Esta tarde vén de explicar en rolda de prensa as iniciativas levadas a cabo durante estes días. Na rolda de prensa tratáronse os seguintes temas, que estaban previstos para o apartado de rogos e preguntas do pleno do pasado mes de maio e que non puido ser pola suspensión da sesión plenaria.

1. Adencentamento da Praia de Testal. CxG solicitou esta mañá un adecentamento desta zona turística. Facéndose eco dunha denuncia cidadá levada a cabo a trevés das redes sociais. A proposta consta de tres puntos clave, o arranxo e recollida dos muros que se derribaron debido ao temporal invernal, o arranxo da caseta dos vixiantes que está moi deteriorada, e por último, tamén o arranxo do acceso de madeira á praia. Compromiso pide que se leve a cabo esta actuación o máis rápido posible.

2. Tamén aproveitou para cuestionarse a xestión da piscina municipal de Noia, na que dixo que se está incorrendo nunha falta de transparencia total, posto que non existe un informe de xestión da instalación nin tan sequera un plan de viabilidade do mesmo. Dende CxG instan a que se leven a cabo estas accións e tamén preguntaron ao equipo de goberno quen é a persoa que se está a encargar dos trámites da Piscina Municipal xa que temen que poida haber intereses persoais na citada xestión.

3. Outro documento que presentou no rexistro foi un rogo ao Concello de Noia, no cal o instan a que cesen as obras do aparcadoiro da Rúa Xuíz Falcone e os veciños coñezan as características deste. Creen que se esta levando a cabo unha auténtica aberración, posto que se inhabilitou o tráfico e se levantou a rúa sen tan sequera ter constancia dun proxecto que asegure a viabilidade do mesmo.

4. No último punto, CxG tamén insta ao goberno de Noia a que faga cumprir a sentenza do Contencioso Administrativo nº2 da Coruña e se obrigue a INNAU GRUPO INMOBILIARIO S.L a que se axuste a legalidade e que modifique por tanto o proxecto, para que teña as mesmas características que os demais empresas que construíron nesa zona, sen que exista unha verdadeira igualdade para todos.

COMPROMISO POR GALICIA DENUNCIA A APROBACIÓN DAS ÚLTIMAS ORDENANZAS DO CONCELLO DE LOUSAME

CXG denuncia unha política sistemática de suba de prezos e taxas nos servizos
públicos municipais.

Compromiso por Galicia de Lousame, que conta cun concelleiro, mostra a súa oposición ás ordenanzas aprobadas no último pleno por parte do órgano de Goberno do Concello, entre as que se atopan os prezos “públicos” pola prestación do servizo do Centro de Día para persoas maiores de Lousame, a suba de impostos do lixo, a creación dunha nova taxa polo servizo de sumidoiro e depuración de augas residuais, e o establecemento do cobro de taxas por expedición de documentos

administrativos e fotocopias.

O Partido Popular vén de aprobar, facendo uso da súa maioría absoluta, os prezos chamados “públicos” por servizos no Centro de Día aos seus usuarios. Dende o inicio do proxecto, CxG preguntou ao goberno do Concello polo estudo de viabilidade, xa que se trata dun estudo que permite detectar riscos económicos e estimar o posible rendemento dun proxecto. Dito estudo nunca apareceu. Xa que logo, Compromiso entende que tanto a pobre previsión inicial de persoal a contratar coma a dos prezos determinados, non se corresponden a ningún parámetro real, e máis tendo en conta as características do Concello en canto á composición familiar das vivendas. Todo isto agravado, ademais, coa crise económica que tamén afecta a este Concello.

A escala é a seguinte:
Día completo: 500€/mes
Servizo media xornada sen comida: 300€/mes
Servizo media xornada con comida: 400€/mes
A estes prezos engadiríamos, aparte, o transporte, que oscila entre os 60 e os 120 € en función dos km.
Almorzo: 50€/mes
Comida: 100€/mes
Merenda: 50E/mes
Menús: 4.50€/dia
Días soltos: 30€/día
Horas soltas: 5€/hora

CxG insta ao Goberno do Concello á elaboración dun estudo que permita detectar o nivel medio de renda dos habitantes, principalmente daqueles maiores de 65 anos, para así poder determinar os prezos do Centro de Día e que estes sexan asequibles para os veciños e veciñas. Ademais, pide que se faga público o estudo de viabilidade do proxecto, se é que existe.

No mesmo pleno, tamén, se aprobou unha suba na taxa do lixo e creouse unha nova denominada “taxa por servizo de sumidoiros, depuración de augas residuais”, que deberán aboar anualmente todos os usuarios, así como tamén se establece unha taxa por conexión ao servizo do sumidoiro. Ademais, serán efectivas as taxas por expedición da maior parte de documentos administrativos, así como tamén por servizo de copias e impresión.

CxG négase a aceptar a "G" do Partido Socialista Obrero Español mentras non se corrixa a actitude do goberno de Muros.

Onte no restaurante o Castelo, en Muros, Compromiso Por Galicia levou a cabo unha lectura dun manifesto en prol da Lingua Galega. Foi obra de Pere Tobaruela e Flavia Valentina ambos nacidos fóra das nosas fronteiras (un catalán e a outra urugaia) pero que adoptaron a nosa lingua como súa dende o primeiro momento.

Imaxes do acto

María Xosé Alfonso, por outra banda, criticou a actitude da alcaldesa debido a moción aprobada en conxunto co Partido Popular, pola cal se elimina o carácter preferente do galego na administración local, e a obrigatoriedade das persoas ao servizo do concello de desenvolverse en galego. Así as persoas poden non ser atendidas en galegos se os traballadores así o consideran.

Xoán Bascuas culpou a cúpula do Partido Socialista, ao cal considerou que lle sobra a "G" de Galicia, "xa que consiste nunha reproducción de Paco Vázquez en Muros". Aposta, por iso, a que CxG non recoñeza esa "G" de Galicia no Partido Socialista ata que se corrixa a grave actitude de Caridad González.

O lingüista Manuel García Sendón tachou de aldraxe contra a nosa lingua a moción aprobada, e apostou por que se volva ás orixes, que favorecían o uso do galego, e que se iniciaron, entre outros concellos, no propio Muros.

Por último Maruxa Cernadas recitou unha poesía dun mestre muradán na que recordou os afogados no Mar da ría.

FELIZ DÍA DAS NOSAS LETRAS! COÑECE UN POUCO MÁIS A ROBERTO VIDAL BOLAÑO

Este ano, adicadas ao xenial Roberto Vidal Bolaño, escritor e actor que levaba o teatro nas veas. 

Nado en Compostela en 1950 e o mesmo día que Castelao morría en Arxentina, dende ben pequeno se interesou polo mundo do teatro, tanto que aos 15 anos participaba na súa primeira obra. Máis adulto e tras pasar por moi variados traballos, convertiu o Grupo Antroido na primeira compañía de teatro de Galicia. 

Truncado o seu proxecto de estudar cine en Madrid, a súa pasión naquel momento, Roberto foise autoformando no mundo do audiovisual e elixindo o teatro como medio de vida. 

Coñece a autores do panorama europeo e en 1975 participa no espectáculo "Amor e crimes de Xan o Panteira", seguido da creación de "Laudamuco, señor de ningures", obra próxima ao esperpento. Nos 80, volve a aproximarse ao mundo do cine, creando, por exemplo, o guión de "Novo de Parmuíde". Estes esforzos por entrar no mundo audiovisual só se viron recompensados coa participación como actor nalgún filme, e dunha maneira menos intensa, como guionista ou director de pequenas series como "Un mundo de historias", da TVG.

Roberto goza de varios premios e recoñecementos, pero preguntarse pola verdade e as súas formas, pola relación entre a relixión e a ciencia, pola razón e a fe, pola certeza dunha investigación ocorrida no século XIX arredor do que realmente garda a tomba do Apóstolo de Compostela tal vez non era a mellor maneira de gañar a aprobación do poder político da ocasión. Así mesmo, a maioría das súas obras son unha crítica á modernidade, influenciada en boa medida por Ramón Otero Pedrayo e pola estética utilizada por Valle-Inclán. 

Xa no 1993 e "de volta" ao teatro, que nunca deixara, dirixe a primeira gran produción independente do teatro galego, "Saxo tenor", seguida de moitas outras como Criaturas (2000) ou Mar revolto (2001). Faise imposible mencionar aquí toda a súa extensa obra, cabe aclarar. Roberto morre de enfermidade aos 52 anos (2002) en Compostela, no mellor momento da súa vida creativa. 

Quedámonos coa súa obra, tan xenial como numerosa, así como coa súa imaxe. Hoxe, todos levamos chapeu e nariz de paiaso. 

SENTENZA FAVORABLE AOS EX-CONCELLEIROS CASTRO CAMPOS E LOLA CARAMÉS

A sala do contencioso administrativo nº 2 de A Coruña, con data 29 de abril do presente

ano, ditou a sentenza 94/2013 referida ao recurso presentado con data 22/06/2011 polo daquela grupo municipal do BNG contra a concesión dunha licenza a favor da empresa INNAU GRUPO INMOBILIARIO S.L. para a construción dun edificio na esquina que forman as rúas República Arxentina e Cuba no barrio noiés de San Lázaro.

A reclamación viña dada polo feito de que o Concello estaba a autorizarlle á mencionada

empresa construír un edificio con máis altura da que figura na normativa urbanística vixente en Noia. Facíao utilizando o que entendemos eran dúas argucias: unha pretendida consolidación de maior altura preexistente utilizando para o cómputo unha soa fachada cando a norma establecía que tiña que ser o conxunto da mazá, e incluíndo para elo unha edificación que superaba a vixente no momento da súa construción , fóra de ordenación, polo tanto.

É de destacar, como xa dixemos no seu día, que esa licenza foi seguramente unha das

Castro Campos, un dos denunciantes.

causas polas que se cesou ao daquela concelleiro de urbanismo, xa que se negou a facer tal excepción con esa empresa, querendo limitarse a concederlle a altura normativa, como a todas as demais.

Naquel momento incluso se estaba a construír ao par unha edificación que respectaba a altura das normas, e nós non admitiamos discriminación algunha por moi próximo que estivera o Sr. Alcalde aos promotores.

Unha vez cesada esta parte do goberno, o Concello si concedeu a licenza ilegal, tal e como agora dita a xustiza, dándonos a razón. Xa transcorreron varios días dende esta resolución e vémonos obrigados a facela pública, xa que os culpables nada lle dixeron á cidadanía desta sentenza. 

Pedímoslle ao Concello que obrigue á empresa a modificar o proxecto adaptándoo a

sentenza resolta, e, ao actual concelleiro de urbanismo que dea a cara ante os noieses, pois el foi un dos asinantes do recurso, e o mínimo que pode facer é ser consecuente cos seus actos (pois do alcalde solo esperamos novas argucias e mentiras). 

Manolo Seijas recordou que Compromiso Por Galicia loitará pola transparencia política,

sen ataduras e coa verdade por diante, como demostra unha vez máis este caso. Calquera cor política que tente saltarse a lei ao seu antollo será condeada  publicamente por esta organización.

ENTREGA DO PREMIO "COMPROMISO CO GALEGO"

Onte tivo lugar a entrega do premio "Compromiso co galego", outorgado nesta primeira edición a Manuel Lopes, un polifacético empresario da vila de Noia, co Salón de peiteado Emain como principal actividade. 

Entre os moitos logros que fixeron a Manuel merecedor deste recoñecemento, están a posta en marcha da editorial "Acha Escrava", dunha radio online (aínda que xa non operativa), a prensa e revistas en galego que se poden atopar no seu local de traballo, ou os seus propios poemas. Os catro membros do xurado o consideraron unha opción exemplar, a pesares de existir moitas outras tamén merecedoras do premio. 

Segundo o acordado, ás 20:30 realizouse a entrega no seu propio negocio, sendo Manolo Seijas, o coordinador comarcal, o encargado da entrega, acompañado doutros membros da corporativa. Como anécdota, houbo que esperar a que Manuel atendese aos seus últimos clientes, que aproveitaron para presenciar a entrega orgullosos do seu perruqueiro. As palabras de agradecemento foron mutuas, de Manuel a CxG pola iniciativa novedosa, e de CxG a Manuel pola súa honrosa maneira de defender a lingua. 

Dende Compromiso por Galicia animamos ás empresas, asociacións e institucións que aínda non o fagan, a sumarse a esta iniciativa a favor do idioma. O galardón, esperamos, manterase por moitas edicións máis, e non nos importaría para nada ter a decisión máis complicada cada ano debido ao aumento de opcións...