Presentará unha moción para o mantemento das instalacións deportivas e solicitará un paso de peóns en Siavo

Os Concelleiros de Compromiso Por Galicia en Outes;  Xosé Ramón Riomao e Xosé Manuel Ramos deron a coñecer esta mañá a moción para o mantemento e adecentamento das instalación deportivas que xestiona o Concello de Outes.

Dende Compromiso defendemos a necesidade dunhas instalación deportivas cuns mínimos para un correcto desenvolvemento das distintas actividades que tan importantes son tanto para saúde como para o benestar dos veciños e veciñas.

Intamamos por tanto ao Concello de Outes a que elabore un un plan de mantemento, remodelación e mellora dos pavillóns deportivos así como de outros espazos de uso deportivo. Entre eles varias pistas polideportivas en distintas parroquias que están en completo abandono.

Compromiso Por Galicia levará a pleno a creación dun paso de peóns no Freixo concretamente no lugar de Siavo, xa que consideramos que hai unha distancia de uns tres quilómetros entre os dous pasos de peóns existentes.