Xurxo Louro, Lola
Caramés e Manolo Seijas presentaron este sábado dúas mocións no rexistro do
Concello de Noia, para a súa inclusión no vindeiro pleno.
A primeira moción que presentaron foi
para a regulación da AC-550 ao seu paso polo cruce da Barquiña. Manolo Seijas
denunciou que se están sufrindo numerosos atrancos e que os veciños tardan unha
media de cinco minutos para incorporarse a vía en dirección Orro e fano sen
gozar de certa seguridade. Compromiso por tanto insta ao goberno local de Noia
a que leve acabo unha actuación na zona, construíndo un instrumento regulador
do tráfico de vehículos como é unha rotonda ou un semáforo.
A segunda moción trata sobre a
transparencia nos concellos, Lola Caramés asegurou que nun momento no que o
traballo é unha xoia para unha persoa, os concellos deben publicar con ao menos
cinco días laborais para que os todos os cidadáns teñan a mesma información
para poder presentarse a esas prazas. Noutro dos puntos das mocións CXG insta a
que todas as contraccións que realice o concello, se soliciten tres propostas.
Ademais CXG propón que se elaboren
unhas bases xerais de contratación laboral temporal e se traian a pleno para a
súa aprobación, bases nas que se regulen a publicidade e os prazos, os
requisitos e méritos, a constitución das comisións ou tribunais de selección e
o uso e prazo de validez do listado de persoas resultante de cada proceso de
selección.
(Xurxo Louro e Manolo Seijas)
No hay comentarios:
Publicar un comentario